譚輝智自爆熱愛日本美食文化 已婚身份唔敢對櫻花妹有遐想

譚輝智 以旅遊大使身份出席活動，雖然而家工作忙碌，但輝智ㄧ有時間就會去旅行，佢話自己去得最多嘅就係日本，每年一定會去幾次，尤其自己好鍾意品牌，又鍾意日本食物同文化，不過主持問佢鍾唔鍾意日本女仔，輝智就話自己冇諗過，同埋已經結咗婚，所以亦都唔需要諗啦！

譚輝智應邀為一間旅行社擔任大使
輝智話以前喺倫敦生活過一段時間，都有就近去過歐洲其他國家旅行，好似法國、意大利同瑞士，但仲有好多地方自己未去過，希望趁變老之前去更多地方睇下，又話自己年紀大咗之後，更鍾意深度旅遊勝過走馬看花。

輝智同一班中聲好兄弟組成「輕鬆啲」，成班人經常一齊開live，唱下歌又傾下偈，不過成班麻甩佬聚埋一齊，話題都幾百無禁忌，輝智話因為大家實在太熟，所以經常傾到忘我，甚至唔記得開緊live，所以要周不時提醒自己，開緊live唔好亂講嘢喎！