劉家傑本尊「現身」間接否認死訊 點評舊作：對我來說不堪回首

今年8月驚傳曾主持《英語1分鐘》嘅資深主持 劉家傑 於多倫多離世，不過其牧師弟弟劉家斌已透過好友代為澄清。而近日疑似係劉家傑本人亦現身YouTube，親自喺一條佢參演嘅廣告合集片下留言。
劉家傑本尊現身，於影片下留言。
劉家傑本尊現身，於影片下留言。

一名網名為「走音霑叔」嘅YouTuber，不時會喺其YouTube Channel中分享懷舊廣告片，而喺一個月前佢就分享咗一條名為「[懷舊廣告] 劉家傑老師系列」嘅片段，入面結集咗多個劉家傑嘅懷舊廣告。

劉家傑指舊作不堪回首。

喺兩日前，一名網名為「josiahlau2506」嘅網友就喺呢條片下留言：「老兄, 那些年份好像有些問題, 不過, 遲些或早些, 對我來說都是不堪回首！ 多謝抬舉.  保重.  家傑 2024年國慶後」而呢個「josiahlau2506」嘅帳號，喺年多前亦曾現身於其他關於劉家傑嘅影片下留言，故相信此帳號就係劉家傑本尊喇。

劉家傑以前也曾以此帳號於其他影片下留言。

由於影片咗左下角key上「懷念劉家傑老師」，故片主得到劉家傑本尊回覆後，亦瞬即留言表示：「感謝劉老師回覆，年份方面我會再考證清楚。另外基於早前網上的不實傳聞，所以片段中出現懷念字眼實在深感抱歉，祝願劉老師身體健康生活愉快。」