古淖文下周生日Fans巴士廣告賀壽 與友籌備新歌再飛土耳其演出

《中年好聲音2》冠軍 古淖文 日前先現身前輩好友肥媽同黑妹嘅演唱會記者會，宣佈屆時會同 譚輝智 仲有 黃劍文 一齊擔任嘉賓演出。而10月24號就係German嘅37歲生日，一班Fans仲特別預早安排，希望佢成為《中聲2》冠軍後嘅首次生日，有難忘慶祝。所以整個生日月都會安排應援巴士穿梭港、九、新界各區，Fans仲日夜打卡，以此為German生日慶祝同宣傳。

German嘅Fans安排巴士廣告為佢慶祝生日
除咗將迎接生日之外，German亦喺社交平台公開新歌已籌備中嘅好消息，日前佢就Post出同「歡樂馬介休」成員 龍哥 梁子龍 嘅影片，仲話已經為新歌舉行完第一次作戰會議，請大家繼續期待新作嘅推出咁話。
早前佢公開同龍哥見面嘅影片，指將合作創作新歌

雖然下星期四就係German嘅生日，不過佢20號就會代表TVB飛往土耳其嘅伊斯坦堡，出席亞太廣播聯盟嘅「第13屆ABU TV Song Festival」，仲會同 單依純 高橋洋子 李茂珍 仲有澳門同鄉 陳倚俐 等來自亞太唔同地區嘅歌手演出。

German星期日就會出發往土耳其演出