廉政行動2024丨張曦雯今次先後推出三劇 陳山聰睇好拍檔問鼎視后

台慶劇《廉政行動2024》星期一晚就首播，一眾劇集演員 陳山聰 張曦雯 羅天宇 蔡潔 陳星妤同 鄭俊弘 等到商場宣傳造勢，吸引大批途人同粉絲圍觀捧場。

山聰同Kelly喺《廉政行動2024》率領一班調查員破案
能夠成為「廉政行動」系列演員一份子，山聰都覺得好榮幸，Kelly作品接連播放，佢話好享受這種不停宣傳感覺。身邊山聰笑指拍檔近期當紅，得知Kelly今年已推出三部劇集，山聰覺得Kelly好適合演女強人，今次劇中又演出大肚婆風範及Madam氣勢，視后寶座必定係Kelly。另外，Kelly亦有談及剛播完大結局嘅台慶劇《企業強人》口碑。
山聰仲睇好劇接劇嘅Kelly台慶頒獎禮會有好成績

周志康 喺活動上大爆《廉政行動2024》劇組經常可以早收工，佢話唔係曬命，而係覺得各部門都做得好，兼且導演好多時都可以拍一次就收貨。而鄭俊弘就指今次邀請到電影導演執導，因此唔會限於公司制度。今次喺劇中飾演調查員，鄭俊弘話最大挑戰係記專業用詞嘅對白或者術語。

Fred話新劇中要記專業名詞同術語係大挑戰