粵劇瑰寶帝女花移師大灣區公演 眾演員期待推動給更廣乏觀眾層

為紀念粵劇瑰寶《帝女花》公演65周年，早前就喺香港重演經典，嚟緊下個月仲會移師至大灣區巡演，身為總監嘅 陳善之 話籌辦今次巡演困難重重，幸得康文署支持。秉承香港演出，巡演都會起用多位小生花旦輪流演出，製作更會加入新元素，將任白65年前演出畫面結合舞台演出，亦有別於以往粵劇轉場需要等候，只得一次中間休息時段，希望畀觀眾一種新鮮感同一氣呵成感覺，期待吸引更多不同年齡層觀眾入場欣賞，推動粵劇文化。

總監陳善之希望今次演出令觀眾有耳目一新感覺
梁兆明 林穎施 同 王志良 等一眾花旦小生亦有出席記招，穎施喺記招後仲要趕去會合羅家英到泰國公演《帝女花》，佢話好榮幸可能將劇目帶到唔同地方。王志良都話演經典劇目有一定壓力，因為台下觀眾經已對每句對白都耳熟能詳。王兆明就係首次同穎施合作，佢覺得透露多次排練同交流，相信演出時就會擦出到火花。

幾位花旦小生指非常榮幸可以將劇目帶到唔同地方演出