湯鎮業嫁大女出嫁獲「五虎」劉德華拍片祝賀 劉嘉玲苗僑偉恭喜好友榮升外父

TVB五虎將之一湯鎮業噚晚嫁女！湯鎮業大女湯愛嘉（Isabella）舉行婚禮，湯愛嘉著白色拖尾婚紗、戴巨型珍珠鑲鑽頸鍊出場，劉嘉玲及苗僑偉與湯鎮業識於微時，呢晚當然到賀，恭喜好友榮升做外父，「五虎」劉德華亦拍片祝賀一對新人，笑指認識嘉嘉嗰陣仲係好細，話咁快嘉嘉就結婚！

劉嘉玲及苗僑偉與湯鎮業識於微時，呢晚當然到賀！

「五虎」劉德華拍片祝賀一對新人，笑指認識嘉嘉嗰陣仲係好細。
堂家姐湯洛雯今日有喺IG貼出與湯愛嘉面貼面嘅相兼送上祝福，劉嘉玲喺IG有貼出一對新人切蛋糕嘅相，並祝二人百年好合，永結同心；湯愛嘉兩位孖生細佬湯君慈及湯君耀亦喺IG貼出家姐結婚嘅相片，記錄呢個幸福時刻。

堂家姐湯洛雯今日有喺IG貼出與湯愛嘉面貼面嘅相兼送上祝福。
湯鎮業於1993年與比佢細13歲嘅姜坤結婚，育有一女同一對孖仔，可惜二人於8年後離婚，湯鎮業與仔女關係十分好，供三子女湯愛嘉、湯君耀及湯君慈讀美國著名大學加州大學洛杉磯分校畢業；大女目前從事電影幕後工作，大女湯愛嘉與男友係初戀，二人拍拖至今逾10年，湯鎮業一直渴望佢哋能夠開花結果，曾大讚未來女婿有禮貌、懂得照顧人係一個好男人。
湯鎮業於1993年與比佢細13歲嘅姜坤結婚，育有一女同一對孖仔，可惜二人於8年後離婚。