黃子華新片獲朋友讚好睇感老懷安慰 衛詩雅忙完宣傳趕籌備婚禮

由黃子華、許冠文兩大笑匠主演嘅新戲《破·地獄》以殯儀業為背景，引起熱烈關注，子華呢日率衛詩雅、周家怡及梁雍婷現身商場宣傳新片，該片優先場上映後好評不斷，好大機會延續子華上一部戲《毒舌大狀》嘅票房氣勢再創佳績。

黃子華嘅新片因試映反應佳，將提早正式公映
子華好開心見啲朋友睇咗，評價係好過正面，佢原本擔心題材太沉重，而家好多朋友都覺得真心感動，讚套戲拍得好好睇，子華笑指自己老懷安慰，坦言只要呢套戲唔蝕就好開心，子華更提醒老闆要兌現承諾開靚酒。
子華仲提醒觀眾入場記得得帶定紙巾喎

講到好多觀眾睇完優先場行出戲院都眼濕濕，子華提醒觀眾要拎紙巾入戲院，而佢只喺屋企睇過最初好粗糙版本，當時已經睇到喊，希望留番最靚嘅版本喺首映嗰日先睇；同場嘅周家怡第二次同子華合作，今次對手戲多啲，佢見識到子華搞笑以外嘅另一面。

梁雍婷、衛詩雅同周家怡都有參與演出衛詩雅忙完新戲宣傳就要開始籌備婚禮，已搵家怡擔任姊妹團成員，笑指家怡夠霸氣係最佳人選，而家怡就話開門利是要畀多啲。

待嫁新娘衛詩雅指完成宣傳後，就會投入籌備婚禮