馬國明收起索爆女神寫真騰出空間 預告迎接人生新身份 網民非常驚訝：準備做爸爸？

馬國明同湯洛雯去年底喺泰國蘇梅島舉行浪漫婚禮，講過婚後想生兩個小朋友，一直進行恩愛嘅造人計劃，更不時甜蜜出遊，今日馬明喺IG忽然自爆要騰出空間，更指自己為咗迎接人生嘅新一頁、新身份，連最愛嘅唐老鴨，以及宅男女神松隆子、酒井法子同廣末涼子嘅寫真都要收起存倉。睇嚟呢個新身份真係好重要！

馬國明同湯洛雯去年底喺泰國蘇梅島舉行浪漫婚禮，講過婚後想生兩個小朋友。
馬明早前透露心愛嘅唐老鴨未能進駐新屋，話暫時未搬到啲珍藏，除非將來買一間大啲嘅屋，笑指阿湯好多嘢，而馬明仲話衣櫃就完全遷就阿湯，只用一個衣櫃，其他都畀阿湯擺嘢。而家馬明仲要再騰出更多空間！？

今日馬明喺IG忽然自爆要騰出空間，更指自己為咗迎接人生嘅新一頁、新身份。
今日見馬國明喺IG貼出將珍藏存倉嘅相，寫道：「Happy wife! Happy life! 做咗差不多一年人夫，最緊要學識『斷捨離』！早排搬屋好鬼忙，趁住『馬國明天放假』，等我Pack好晒啲珍藏同雜物放入迷你倉，為咗迎接人生嘅新一頁、新身份而騰出更多空間！千祈唔好畀空間限制你嘅想像！」

馬明之前講過老婆湯洛雯婚後主力照顧家庭，負責湊小朋友，又指湯洛雯好鍾意小朋友，做咗媽媽就會息影。
網民先將焦點放喺馬明一個透明膠箱，見到松隆子、酒井法子同廣末涼子嘅珍藏靚寫真，另有網民見馬明預告有新身份，紛紛留言表示「新身份！恭喜恭喜，恭喜！」「新身份？榮升爸爸」、「準備做爸爸」。

湯鎮業嫁大女出嫁！堂家姐湯洛雯今日有喺IG貼出與湯愛嘉面貼面嘅相。
馬明之前講過老婆湯洛雯婚後主力照顧家庭，負責湊小朋友，又指湯洛雯好鍾意小朋友，做咗媽媽就會息影，最多閒時拍廣告，二人亦計劃生兩個，等小朋友有個伴。