巾幗梟雄之懸崖丨黎耀祥胡定欣坐古董車出巡 蕭正楠為角色操肌激減10kg

TVB台慶劇《巾幗梟雄之懸崖》10月21號晚上8點半於翡翠台隆重首播，黎耀祥、胡定欣、蕭正楠、羅天宇、陳曉華及陳楨怡等一眾演員呢日身穿戲服花車巡遊，同市民近距離互動。

台慶劇《巾幗梟雄之懸崖》演員為新劇造勢
「柴十七」祥仔同「七爺」定欣配合劇中身份，坐古董車出巡，沿途市民相當熱情，佢哋都好興奮見多啲唔同嘅觀眾，有時停燈位，路邊嘅市民會打招呼及送上鼓勵及支持；今次係祥仔同定欣第8次合作，默契爐火純青，觀眾都好期待二人嘅新火花。

今次原來已經係祥哥同定欣第8次合作
呢日佢哋乘搭開蓬巴士到鬧市宣傳

阿蕭喺劇中一人分飾三角，無論角色性格及造型均有好大分別，阿蕭喺臨拍前一個半月開始食得清淡、多做運動，為咗角色激減10公斤，阿蕭感謝太太黃翠如每日督促，有時仲好仔細咁睇，阿蕭笑指每次沖完涼出嚟都有啲唔舒服。
祥哥同定欣仲登上古董車

蕭正楠為《巾幗》減磅操肌演出

天宇一向形象斯文，今次圓夢挑戰打戲，有時啲動作做得冇咁靚，又或者唔達要求，初時周不時要NG，好在天宇拍拍吓漸入佳境，連拍檔陳曉華同陳楨怡都大讚天宇好叻。

天宇今次仲於如願以償挑戰演出打鬥戲