40歲高鈞賢蜜遊美加罕放閃 圈外女友疑戴訂婚戒指用手遮孕肚？

40歲高鈞賢（Matthew）早前喺《逆天奇案2》飾演黑客，與馮盈盈演甜度爆表嘅情侶，更一度傳過緋聞，查實高鈞賢早已心有所屬，與圈外女友拍拖一年，認定對方係結婚對象，更唔排除隨時閃婚，盼今年或明年做爸爸，睇嚟近日似乎有好消息噃！

40歲高鈞賢早前喺《逆天奇案2》飾演靚仔黑客，再次收穫不少粉絲。高鈞賢與馮盈盈演甜度爆表嘅情侶，更一度傳過緋聞。
高鈞賢與女友早排蜜遊美加，喺社交平台罕有貼咀嘴相放閃，不過網民留意到高鈞賢女友疑似有喜！眼利嘅網民見高鈞賢女友影用手遮肚，其中指又疑似戴上訂婚戒指，腹部微隆孕味濃。

高鈞賢近日罕有貼咀嘴相放閃，不過網民留意到高鈞賢女友疑似有喜！

高鈞賢與圈外女友拍拖一年，感情非常穩定，更指自己隨時閃婚。
其實佢女友疑有咗，早就有跡可尋，事關高鈞賢日前拍片介紹深圳逾2千呎新居，被網民發現佢喺窗台出現「孕婦枕」，唔少孕婦買嚟方便側睡用，網民已估佢即將榮升做人父，之不過高鈞賢一直未有回應此事。

高鈞賢日前拍片介紹深圳逾2千呎新居，被網民發現佢喺窗台出現「孕婦枕」。