李爾晨將副業延伸到美容院 林凱恩現身撐好友拒做訪問

大隻型男 李爾晨Kyle 近年投資副業有成，擁有7間健身室，運動員出身嘅佢教起健身嚟相當有說服力，但估唔到佢對美容保養都好有研究，仲將副業延伸到美容院，呢日新店開張，Kyle就話好有信心喺新範疇大展身手呀！

李爾晨副業經營有道，由健身室生意發展到美容院

呢日就有唔少圈中好友嚟撐Kyle新店開業，包括最近傳出閃婚嘅林凱恩，就同好姊妹郭嘉文一同現身，不過佢哋就謝絕採訪。另外前一晚先喺澳門主持完戶外音樂會嘅宋宛穎Sabrina，就話一定要嚟支持好友，順便睇吓有冇sponsor。Sabrina啱啱喺港大醫科碩士畢業，佢就表示嚟緊會全力發展幕前工作，希望嚟緊有機會入劇組拍劇，仲話自己好想挑戰演大反派。

郭嘉文同近日被指已婚嘅林凱恩都有到賀，不過就未有受訪喇

深夜主持完音樂會嘅Sabrina都有現身祝賀老友