周嘉洛組率世代拍台慶宣傳片 郭柏姸游游望開齋中獎

仲有唔夠一個月，11月19號就係TVB嘅57周年台慶，一系列精彩嘅綜藝同劇集已陸續播出，為咗慶祝台慶呢個大日子，新一輯嘅台慶宣傳片亦如火如荼製作中，其中一輯就由六位新生代人氣藝員演繹， 周嘉洛 吳偉豪 丁子朗 游嘉欣 郭柏姸 戴祖儀 齊齊以運動裝上陣，喺帶有科幻感嘅移動燈光裝置拍攝。

幾位新生代拍攝嘅宣傳片充滿科幻感
佢哋又欲金句形容自己嘅衣著，可以話創意十足，游游因為以全身銀色現身，所以就形容自己係宇宙戰隊成員，而以白色連身短裙上陣嘅戴祖儀就自封係「護士姐姐」，另外吳偉豪同丁子朗都有機會大騷健碩嘅麒麟臂。
年青人聚集一齊就梗係古靈精怪玩到冇時停喇

周嘉洛仲指呢日拍攝好似去夜店玩咁

周嘉洛雖然成日唔正經，更一度笑指拍攝場景燈光似夜店，但係拍攝前佢都有了解宣傳片概念，透露宣傳片喻意六位新星，將TVB嘅精神同節目發放去全世界。講起台慶當日佢哋雖然未知會表演咩高難度項目，不過游游同Rosita都希望可以零的突破抽到大獎呀。

游游話希望今年台慶幸運之神會眷顧自己