戴愛玲年底首度開香港個人騷 呼籲樂迷推薦心水廣東歌

「鐵肺天后」戴愛玲喺12月初舉行首個香港個唱，日前佢更專程來港出席音樂會記招。愛玲現身台上時表示，自己出道20幾年，但只有今年4月初來港參與香港春浪音樂節，從未試過喺香港開個人騷。

出道多年嘅戴愛玲12月將首次來港開騷

所以呢次嚟到香港為音樂會宣傳，去到電台時，都覺得好感動。佢仲話：「每個人都有不同的故事，無論任何年齡都需要有個空港，所以今次誠意邀請香港的朋友，成為我音樂會的故事中的主角，大聲一起唱出那些年的動人情歌。」 愛玲預告，屆時歌單會加入廣東歌環節，因為佢喺少女時代就好鍾意聽廣東歌同埋睇港劇。喺芸芸香港歌手之中，愛玲就好鍾意王菲、謝霆鋒及彭羚，而演員就鍾意劉青雲。不過愛玲覺得廣東歌有太多選擇，如果樂迷有心水可以私信佢，如果覺得適合就會俾製作團隊調整歌單。

佢仲叫樂迷提早將想聽嘅心水歌傳俾佢

愛玲喺8月底推出新歌《給某某》，呢次佢都抓緊打歌好機會，向大家介紹新：歌嘅創作理念「《給某某》是曖昧模糊，不明確的感覺，是一種在界線之間徘徊，想接近又猶豫不決、想釋放又壓抑的狀態，然後走向勇氣、明朗、蛻變，最後卻終究還是回到一個未完結的問號。這樣積累在內心深沈的感情，那個某某，你收到了嗎？」