黃智雯回味旺角「掃街」青蔥歲月 化身伴遊彌補粉絲遺憾

黃智雯（Mandy）最近推出網上半真人Show節目，繼早前播出「前傳」為Fans Leader慶祝生日實踐對方夢想後，日前終於播出第一集主題係「遺憾故事」，黃智雯為彌補來自馬來西亞粉絲嘅 阿恩一個「遺憾」，專誠帶對方落區「掃街」、影貼紙相、夾公仔，引來唔少街坊圍觀，亦勾起黃智雯青蔥歲月回憶。

黃智雯一向好錫粉絲。
一位來自馬來西亞嘅粉絲「阿恩」，喺一個快樂嘅大家庭成長，與姨姨關係特別親密，阿恩有個心願就係自掏腰包帶姨姨出埠旅行吃喝玩樂，一直以嚟阿恩好努力儲錢，可惜年初佢卻突然收到姨姨患癌嘅消息，阿恩從冇諗過一直儲蓄嘅旅費，如今竟然變成姨姨醫藥費，最婉惜係幾個月後再見姨姨，已經係最後一次見面，之後姨姨便離開。

黃智雯為彌補來自馬來西亞粉絲嘅 阿恩一個「遺憾」，專誠帶對方落區「掃街」。
阿恩遺憾未能帶姨姨旅行吃喝玩樂，黃智雯化身成阿恩「姨姨」，邀請對方來港旅行，帶阿恩遊覽香港，並落區體驗本地小食文化、街頭夾公仔、影貼紙相等，黃智雯表示：「今集最令我動容係，原本阿恩將內心嘅悲傷情緒一直壓抑，直到拍攝尾段，佢終於打開心深處嘅情緒盒子，同我分享咗好多佢跟姨姨嘅生活點滴。雖然短短嘅行程，我未必能夠為佢彌補啲乜，但我希望能為佢嘅心靈帶來一點安慰同力量。」

阿恩遺憾未能帶姨姨旅行吃喝玩樂，黃智雯化身成阿恩「姨姨」，邀請對方來港旅行。
黃智雯難得落區「掃街」，勾起其中學時跟同學放學後無憂無慮喺街篤魚蛋、食燒賣、影貼紙相嘅畫面：「已經好多年未試過『掃街』，有種好親切嘅感覺，就係中學時嘅回憶，嗰時同幾個同學放學著校服一齊行街，去旺角中心、花園街篤魚蛋、食燒賣。」

阿恩打開心深處嘅情緒盒子，同黃智雯分享咗好多佢跟姨姨嘅生活點滴。