葉子楣馬來西亞度聖誕 朋友欲牽紅線介紹拿督認識

葉子楣Amy 早前去到馬來西亞出去席佢有份投資嘅酒店簽約儀式後，順道喺當地度過聖誕節！為咗應節Amy更着上聖誕女郎服飾，喺唔同場地與聖誕老人合照，當中最搞笑嘅就係佢哋喺健身房影嘅相，身為聖誕女郎嘅Amy喺唔同嘅健身器材旁，督促住聖誕老人做運動，對此Amy笑言聖誕老人要好好健身減肥，先可以令幫佢拉雪橇嘅馴鹿減輕負擔。
葉子楣喺馬來西亞度過人生中最火熱嘅聖誕。葉子楣督促聖誕老人要健身減肥。
過去30年，Amy指無論係咩節日自己都係宅喺家中渡過，不過近年佢一改宅女性格，開始四處走動，令佢重新認識好多新朋友同新事物，Amy坦言好多朋友都話要介紹男人畀佢認識，佢又指好似嚟到馬來西亞呢幾日，就已經認識咗多位拿督，不過Amy指感情事隨緣，因為自己而家較專注喺人生另一階段嘅事業發展上，同時亦希望大家可以活在當下，好好去認識呢個世界。
着上聖誕女郎服飾嘅葉子楣，喺聖誕樹前同聖誕老人影合照。葉子楣祝大家聖誕快樂