陳健安自爆食嘢不慎咬崩大牙 夾公仔活動籌五位數字全數捐出

唱作歌手陳健安（安仔）前日聖誕節正日，為近日推出嘅第四張個人概念專輯喺將軍澳舉行新碟簽唱會，逾300族人（安仔的粉絲暱稱）排長龍，現場演唱專輯內新歌《戀愛腦之死》及《當我們返回現世》，之後驚喜送出親手夾到嘅公仔，讓現場觀眾搶答問題得獎，其中有兩位小族人獲得，安仔親自落台送禮物及合照留念。

安仔前日聖誕節正日，為近日推出嘅第四張個人概念專輯喺將軍澳舉行新碟簽唱會。
安仔踏入聖誕節立即收到好消息，指自己新專輯登上銷量冠軍，佢感謝每位買實體碟嘅樂迷，安仔近年愛上夾公仔，上周舉辦活動與粉絲一齊做善事，籌到五位數字捐出慈善機構，佢又透露日前不慎咬崩大牙，幸好有牙醫朋友幫忙，聖誕節先可以繼續去Party大吃大喝。

安仔踏入聖誕節立即收到好消息，指自己新專輯登上銷量冠軍。
簽唱會開始，安仔喺台上親自解構新專輯以「拒絕」做主題：「去年頒獎禮我喺台上講咗三句說話『唔好死』、『唔好畀人睇死』、『爭氣』，成為咗呢張專輯嘅核心價值。慢慢學習『拒絕』後，成個人都自在咗，坦白係保護最真實嘅自己。當你向別人坦白自己嘅喜惡，對方就知道你嘅底線、為人，佢就會學識點樣去尊重你。」

簽唱會開始，安仔喺台上親自解構新專輯以「拒絕」做主題。