支嚳儀拍新歌MV大陣仗借名車 自爆曾做女車神山上馳騁

支嚳儀（Venus）新歌《夜光漫遊》正式推出，新歌以為嘅黑暗之中總會有一絲光明做主題。Venus呢次繼續展現唱跳魅力之餘，更動用人脈借到十架名車一齊拍攝MV。

支嚳儀拍新歌MV安排多架超跑拍攝

Venus就話一切要感謝跑車會同公司嘅支持，因為跑車會都有唔少車主係《中年好聲音》粉絲，當會長收到佢E-mail，得知Venus想拍出遊車河感覺、再配合舞蹈喺名車之間跳舞時，就一口答應幫手，促成呢次合作。 唔好睇Venus斯斯文文，查實佢喺成為人母前都有段不為人知經歷。年輕時期嘅Venus喺美國時經常化身女車神，喺山上開車騁馳。但而家成為媽媽，自己都年紀大，所以都放下舊事。呢次拍MV可以令佢重拾昔日回憶，佢都非常感恩。

支支仲爆年青時曾沉迷速度鍾意飛車

佢又話要多謝Fans為佢安排多部跑車協助拍攝