陳瀅35歲生日開船P與圈中好友玩餐飽 朱敏瀚大方認愛陳曉華後孖住現身

10月22號係陳瀅35歲生日，陳瀅近日忙拍TVB新劇《特勤女團》，受訪時坦言冇人追，陳瀅享受單身生活之餘，亦不愁寂寞，皆因有一大班好友陪佢過生日，陳瀅今日喺IG貼出生日船P相，陳瀅瘦身後打扮更加性感，見佢大曬三點式泳照明顯清減。

10月22號係陳瀅35歲生日，開船P跟圈中好友慶祝。

陳瀅享受單身生活之餘，亦不愁寂寞，皆因有一大班好友陪佢過生日。
呢日圈中好友何雁詩、羅天宇、陳曉華（Hera）、朱敏瀚（Brian）、周嘉洛及劉佩玥等出席，與壽星女陳瀅一齊同陽光玩遊戲。

陳曉華與朱敏瀚呢對熱戀緊嘅情侶呢日孖住現身。
陳瀅拍《美麗戰場》跟劉佩玥同陳曉華而成為閨密，而陳曉華與朱敏瀚因拍攝劇集《迷網》認識，早前傳出佢哋秘密拍拖及同居，朱敏瀚最近大方承認與陳曉華了解當中，呢對熱戀緊嘅情侶呢日孖住現身，未知係唔係男友在場，陳曉華全程收起性感。

陳瀅瘦身後打扮更加性感，見佢大曬三點式泳照明顯清減。陳瀅拍《美麗戰場》跟劉佩玥同陳曉華而成為閨密。陳瀅近日忙拍TVB新劇《特勤女團》，受訪時坦言冇人追。未知係唔係男友在場，陳曉華全程收起性感。

壽星女滿場飛，跟在場朋友影相。

周嘉洛、陳瀅、JW王灝兒及朱敏瀚因拍劇集《痞子殿下》成為好友，早前佢哋已提前為陳瀅慶祝生日。