劉德華馬來西亞站演出似「家人」聚會 首唱「世界第一等」全場high爆

天王劉德華近期忙於舉行巡迴演唱會，繼早前新加坡演出後，噚晚喺吉隆坡展開4日演唱之旅，直至噚日為止已開45場show嘅華仔越唱越起勁，當地觀眾對華仔亦份外熱情，華仔連番稱讚fans冇得頂，佢坦言返馬來西亞好似見到好多家人咁，既開心又親切。而居於當地嘅導演彭順同太太李心潔亦拍拖捧場，為華仔打氣。 

天王劉德華噚晚喺吉隆坡展開4日演唱之旅，華仔越唱越起勁。

居於當地嘅導演彭順同太太李心潔亦拍拖捧場，為華仔打氣。

華仔為彭順演出新戲《危機航線》仍在熱映中，難得彭導呢晚作為座上客；華仔送佢電影推廣歌《親愛的小孩》，跟現場觀眾一齊分享呢首作品，整個晚上彭順同太太李心潔都被現場氣氛感染，樂在其中！ 

當地觀眾對華仔亦份外熱情，華仔連番稱讚fans冇得頂。

華仔雖然超過4年冇同馬來西亞觀眾見面，今次4場門票，早前一開售兩粒鐘內已售罄，可見大家對華仔呢次演出期待萬分。為答謝大家對佢嘅愛戴，華仔特別揀當地fans最愛、最熱嘅一首歌曲《世界第一等》，呢曲更喺過去44場巡迴演唱演會中首次獻唱。音樂響起，全場觀眾即吶喊，跟住華仔一齊高歌，再次掀起一番高潮。同樣感到興奮嘅華仔不忘舉起手指公讚賞大家「冇得頂」。向來視fans為家人嘅華仔，呢次回馬來西亞開show，坦言感覺好似見到好多、好多家人。

華仔雖然超過4年冇同馬來西亞觀眾見面，今次4場門票，早前一開售兩粒鐘內已售罄。