連詩雅爆陳家樂勁冧阿女超溫馨 丁子朗孖黃庭鋒做橋上新鮮人

丁子朗（丁丁）、黃庭鋒、連詩雅（Shiga）呢日現身一個時裝Show，化身Model上台行Catwalk，模特兒出身嘅Shiga目前仲喺產後修身狀態，不過望上去已經好Fit，久違嘅行Show體驗亦令佢興奮表示有啲緊張，好耐冇行騷機會，而家可以重拾昔日感覺。Shiga現時體重距離產前還欠兩至三公斤，但睇落完全唔覺，由於仍然餵人奶需要充足營養，所以暫無意再刻意減磅。
連詩雅呢日為一個時裝騷擔任Model。
Shiga同老公陳家樂雖然係新手爸媽，不過湊B生活逐漸走上軌道。Shiga行完Show後喺社交平台分享返屋企湊女片段，家樂仲好Sweet彈結他畀兩母女聽，Shiga話雖然湊BB辛苦，夜晚要揼奶，早上又要起身餵奶，但見到bb就好享受，以前成日聽人講爸爸見到阿女會好冧，呢個畫面現在經常出現。
黃庭鋒同丁子朗
庭鋒同丁丁作為行Show新鮮人，上台前心情特別緊張，庭鋒為咗今次活動，專登喺屋企走廊行吓實習，試吓點樣擺Pose。而丁丁則採取見招拆招態度，身穿魚網款色上衣嘅佢仲講難Gag話衫就唔會除，隨心啦。