應邀現身懷舊酒店型格領獎 七爺胡定欣霸氣重返上海灘

近日喺台慶劇《巾幗梟雄之懸崖》飾演上海銀行家「七爺」，霸氣形壓場感十足嘅佢，近日就被邀請再到「發蹟地」上海，以一身型格造型出席時尚頒獎典禮，同場嘉賓仲包括張天愛、尚雯婕同李菲兒等內地藝人，定欣更係唯一獲邀香港藝人，呢晚仲獲頒「美戲之星」獎。

定欣呢日應邀到上海出席時尚活動
晚宴喺歷史悠久；已開業90年嘅上海百樂門大飯店舉行，大會精心設計華麗嘅歌舞廳舞台，亦勾起定欣拍攝《巾幗梟雄之懸崖》時，其中一場同銀行下屬到舞廳跳舞享樂嘅場面。一身時尚型格Look嘅定欣，亦握機會影咗唔少靚相，彷彿「七爺」重回上海灘一樣！
佢仲係唯一獲邀出席嘅香港藝人

其他嘉賓包括張天愛、尚雯婕同李菲兒等

活動結束後，定欣已趕返香港準備參與劇集一系列宣傳，下星期仲會同《巾幗》其他幾位主演，再一齊到內地宣傳劇集。

定欣出席完活動已返港，歸隊參與《巾幗》宣傳