港產丹麥王妃文雅麗與陳果齊之子研究風水命理 被譽「北歐戴安娜」敢向王子提離婚成焦點

曾有「港產王妃」美譽嘅文雅麗，1994年於閃嫁僅相戀五5個月嘅丹麥二王子Prince Joachim，呢位土生土長、非出身貴族嘅港人搖身一變，成為歐洲王室有史以嚟首位擁有亞裔血統嘅王妃，亦敢於向王子提離婚，即使離開王室後離婚後仍擁有皇室頭銜。文雅麗近日回港跟陳果齊之子、玄學家陳定幫食飯，陳定幫喺社交平台貼出合照並表示：「非常榮幸和大有來頭的文雅麗小姐交流。」

文雅麗近日回港跟陳果齊之子、玄學家陳定幫食飯。
相中見文雅麗面上雖然留下歲月嘅痕跡，不過佢嗰份成熟美同優雅氣質卻不減當年，而陳定幫的太太楊錳霏（阿Bee）亦喺社交平台稱傾咗成晚先發現對方係丹麥王妃，讚文雅麗活潑可愛又親民，笑指估唔到王妃都相信風水命理，希望下次見埋文雅麗嘅兩位靚王子。

文雅麗喺1994年邂逅丹麥二王子，二人迅速墮入愛河，拍拖5個月就訂婚，文雅麗隔年嫁入丹麥王室。
文雅麗於1964年喺香港出生，直到中學畢業後前往奧地利、英國及日本等地留學，精通多種語言，包括英語、德語、法語、日語及廣東話；文雅麗喺1994年邂逅丹麥二王子，二人迅速墮入愛河，拍拖5個月就訂婚，文雅麗隔年嫁入丹麥王室，更改信丹麥國教，一向有言語天份嘅文雅麗用咗幾年時間就學識丹麥語，而佢分別於1999及2002年誕下兩位王子Prince Nikolai及Prince Felix。

文雅麗當年敢於向王子提離婚，即使離開王室後離婚後仍擁有皇室頭銜。
文雅麗婚後亦熱衷公共慈善事務，做過聯合國兒童基金會丹麥分會主席，曾被稱係「北歐黛安娜」；文雅麗與丹麥二王子於2005年離婚，皆因老公縱情派對又迷戀酒色，文雅麗主動提出離婚，文雅麗卻與黛安娜王妃唔同，離婚後仍獲冊封為「佛烈德利赫堡女伯爵」，以保證其未來再婚而不會失去貴族身份，每年可獲發約190萬瑞典克朗（約63萬港元）王室津貼。

文雅麗離婚後仍獲冊封為「佛烈德利赫堡女伯爵」，與前夫保持良好關係，共同撫養兩個兒子。
文雅麗離婚後與前夫及公婆仍保持良好關係，佢於2007年與細佢14歲嘅攝影師Martin Jorgensen拉埋天窗，可惜因二人價值觀不合，婚姻僅維持8年，文雅麗回復單身後，亦投身各種慈善事業。

丹麥女王瑪格麗特二世於2023年撤除丹麥二王子Prince Joachim四個仔女嘅王子、公主頭銜。
而丹麥女王瑪格麗特二世於2023年撤除丹麥二王子Prince Joachim四個仔女嘅王子、公主頭銜，之後用伯爵或女爵替代，當時一度有傳丹麥二王子疑愛上大嫂瑪麗王儲妃，而外媒於2007年指丹麥二王子宣布與跟瑪莉王儲妃同名嘅法國女士訂婚，之不過丹麥王室一直未有回應相關謠言，而文雅麗大仔目前係超級模特。

丹麥二王子Prince Joachim四個仔女喪失丹麥王子頭銜，改用伯爵或女爵替代。

文雅麗大仔目前係超級模特。