胡杏兒結婚9周年攜三子吉林滑雪 Philip向老婆掟雪球恩愛耍花槍

胡杏兒與李乘德（Philip）結婚9年並育有3子，一家五口生活幸福，近日佢哋攜大仔李奕霆（Brendan）、二仔李奕霖（Ryan）及細仔李奕宏（Liam）趁住聖誕假期出發去位於吉林省嘅國家4A級旅遊景區北大湖滑雪，過一個白色聖誕！

胡杏兒李乘德結婚9周年，一家五口飛吉林滑雪慶祝。
杏兒同Philip連日喺社交平台上載幸福嘅家庭旅行照，見細仔Liam有哥哥陪佢玩雪兜，而Philip更童心未泯，向老婆杏兒掟雪球，點知啲雪跌咗落杏兒嘅外套裡面，搞到杏兒連嗌多聲「好凍」，雖然杏兒抱怨話好凍，不過佢全程笑笑口，似兩公婆恩愛耍花槍。

Philip童心未泯，向老婆杏兒掟雪球，點知啲雪跌咗落杏兒嘅外套裡面。

杏兒一家身穿同牌子嘅運動衫，一齊喺雪地跳起，好有儀式感。
細仔Liam有哥哥陪佢玩雪兜，二人輪流拉對方行，相當可愛。

12月28號係杏兒同Philip結婚周年紀念日，佢哋今次同阿仔一齊滑雪慶祝結婚9周年，Philip回想9年前結婚後馬上去日本北海道俱知安町度蜜月，嗰次係杏兒第一次滑雪旅行，9年後佢哋同三個馬騮精飛吉林滑雪，呢次係杏兒第二次滑雪，Philip亦有貼出新相同舊相，更指二人容貌「好像沒有怎麼變吧」。

杏兒此行亦不忘喺社交平台曬靚相，擺出型格甫士！

杏兒3個阿仔亦玩得好盡興。

Philip指呢次係杏兒第二次滑雪。

Philip回想9年前結婚後去日本北海道俱知安町度蜜月，當時係杏兒第一次滑雪。