工藤靜香來港開騷曬苦練廣東話 深夜會見歌迷偷閒行超市嘆雞蛋仔

相隔31年再來港開騷嘅日本天后 工藤靜香 ，喺麥花臣舉行嘅「明鏡止水」香港站演出，吸引一班名人藝人入場朝聖，好似 周慧敏 劉偉恆 鄭家輝 孫王幼倫，仲包括曾同靜香千金木村心美合作過嘅鋼琴家 牛牛 ，亦專程現身支持。

工藤靜香事隔多年終於再來港開騷

呢晚佢為歌迷大唱唔少新歌同經典作品
靜香除咗演唱出新專輯嘅歌曲之外，當然亦選唱唔少經典作品，其中好似《恋一夜》、《嵐之素顏》同《慟哭》等作品，今次演唱會都經過重新編曲。佢又即場大曬之前苦練嘅廣東話，介紹自己之後，又話希望以大家熟悉嘅歌曲，帶俾大家一個新嘅回憶。講完廣東話嘅佢仲表現得非常興奮。完騷後又出席深夜歌迷見面會，同大家互動後先休息。
佢同以苦練多時嘅廣東話同大家問好

完騷後更出席深夜嘅歌迷見面活動

工藤靜香離開香港前，前往機場嘅路上又將喺車上食雞蛋仔嘅過程經社交平台同大家分享，原來佢仲曾到下榻酒店附近超市體察香港民情，真係講得出做得到。

離港前仲喺尖東移頭留影，據指仲如願一逛香港超市