佘詩曼密密做Gym晒白滑玉背小蠻腰 保持完美Body絕冇偷懶

49歲視后佘詩曼憑《新聞女王》飾演Man姐，喺內地及香港均人氣高企，工作忙到冇時停，賺個盤滿缽滿，就算再忙！阿佘都有抽時間做健身操fit，時刻保持最佳狀態 。

向來有「凍齡美人」之稱嘅阿佘，外貌及身材保養得宜。
向來有「凍齡美人」之稱嘅阿佘，今日喺社交平台貼出密密做Gym嘅影片並留言：「操返fit啲，準備迎接新任務。」阿佘一身運動裝露出白滑玉背大晒小蠻腰，為咗保持完美Body，當然要落足苦功，見阿佘動作利落絕冇偷懶，難怪越操越fit！

阿佘今日喺社交平台貼出密密做Gym嘅影片。
阿佘早前受訪透露明年初接拍《新聞女王》電影版及劇集《新聞女王2》，又傳阿佘將接拍鍾澍佳以律師為題材嘅新劇，阿佘只係話未演過律師，覺得律師角色有種為民請命及爭取公義嘅感覺，佢就話若果真係要拍就要11月開始，即係明年連續9個月要不停拍攝，當然要操fit啲，迎接嚟緊嘅挑戰。

阿佘一身運動裝露出白滑玉背大晒小蠻腰。

阿佘今年5月先喺健身房野生捕獲靚女黎姿，仲一齊影合照。