破．地獄｜衛詩雅忙爆收工幾乎入錯屋 伍允龍新計劃湛吳建豪安志杰同場

近來最引起話題嘅電影，一定係由 許冠文 黃子華 同 衛詩雅 周家怡 梁雍婷 等主演，以殯葬業為故事骨幹嘅新片《破．地獄》喇，呢日電影優先場，幾位女角仲有唔少圈中人好似 陳煒 張繼聰 伍允龍 連詩雅 簡慕華 都有捧場。

衛詩雅日前獲女演員獎令佢非常開心
日前獲華鼎獎頒發「最佳華語女演員」嘅Michelle，呢日依然非常開心，但係呢位準新娘就忙到搞出笑料，竟然返錯屋企入錯閘，掛住覆訊息搞到入咗隔離座都唔知，非常搞笑。煒哥就應子華神呼籲，帶定足足3包紙巾入場，佢仲話因為近年有家人離世，先會接觸殯葬儀式，認為大家要尊重行內從業人員呀。
煒哥同導演陳茂賢為多年朋友

而因為《城寨》成為近月風頭躉嘅Philip，即將首次拍攝新年賀歲片，仲話一樣會有少少功夫動作。 而日前老友 吳建豪 來港難得聚頭嘅佢就話非常開心，仲話有機會稍後嘅新作同VanNess仲有另一好兄弟安志杰一齊合作咁話。
伍允龍即將拍攝一部賀歲片

佢話正籌備新計劃，希望可以同吳建豪安志杰兄弟班合作

而久未於幕前演出嘅簡慕華，呢日就爆出有移民加拿大嘅打算，佢指因為丈夫係加籍，所以隨時都可以起行，不過自己就希望喺香港繼續生活多一段時間，仲話戲癮上身，有合適角色隨時準備好上陣呀。

簡慕華指老公有意移民，不過自己就有啲唔捨得喇