龍婷孖支嚳儀陳燕娜船上表演 回想與黃日華合唱即秒變小粉絲

中聲女唱將龍婷、支嚳儀及陳燕娜（Paula）呢日喺船上表演，同歌迷們見面兼唱懷舊歌曲，玩得非常盡興，Paula首次同兩位師姐喺船上登台，心情既期待又緊張。

陳燕娜首次跟兩位師姐登台，坦言心情緊張
支嚳儀問Paula係咪換咗新髮型，Paula解釋自己戴咗假髮，笑指自己新造型暫時唔可以曝光，Paula之前喺《中年好聲音2紅白大戰》已同支嚳儀合作唱跳《Cha Cha Cha》。
Venus近日推出新歌，仲獲歌迷支持以多部名車助陣拍攝MV

龍婷早前去天津為明星足球隊獻唱助興，更與黃日華合唱《鐵血丹心》，龍婷回想呢個難忘體驗即秒變小粉絲，感覺好夢幻；龍婷笑指今次參加明星足球隊比賽作為啦啦隊歌手，發現一首歌係跑唔到一個球場，下次要跑細圈啲。

龍婷早前隨明星隊出埠，仲同黃日華合唱