眾星雲集大型慈善節目獻唱 姚子羚張振朗展現歌手級唱功

大型慈善節目《善心滿載仁愛堂》日前舉行，有唔少藝人共襄盛舉，包括陳慧嫻、陳展鵬、張振朗、姚子羚、周吉佩、吳業坤、胡鴻鈞、鍾柔美、王灝兒、施匡翹、陳詠桐、黎展峰、涂毓麟等等。

日前嘅《善心滿載仁愛堂》多位藝人都參與演出
吉吉下個月將會舉行首個個人演唱會，呢晚佢都有獻唱新歌《第三人生》，令歌迷大飽耳福。而視帝陳展鵬，張振朗同姚子羚亦有大展歌喉，幾位演員穩定嘅唱功，完全唔輸俾專業歌手，令大家相當驚喜。
陳展鵬亦有獻唱，歌喉更被大讚

同樣就嚟開演唱會嘅仲有阿姐汪明荃，佢除咗係呢晚嘅主持，仲有演唱自己嘅新歌《Make My Day》，阿姐話好開心首歌推出以來大家嘅反應都非常好。

Liza姐擔任主持同時獻唱新歌《Make My Day》
涂毓麟近排參與內地戀愛真人騷，身為學霸又識唱歌彈琴，擇偶條件都應該好高，不過Oscar就話自己拍拖好睇感覺，如果有合適嘅對象出現，都唔會抗拒。