陳展鵬單文柔化身吸血殭屍攬到實 問「吸完血會生BB」惹有喜傳聞！

踏入10月尾，又係一年一度嘅萬聖節，一向儀式感好重嘅楊洛婷（Rabeea）一家，又再花盡心思裝扮，以血盆大口示人嘅Rabeea同老公阿Tim以及一對仔女以血腥新郎新娘裝扮登場，但係Rabeea嘅造型太嚇人，連仔仔見到佢都嚇到喊。

陳展鵬一家嘅萬聖節裝扮就唯美感為主。

楊洛婷以血盆大口示人，嚇到阿仔爆喊。
另一個幸福家庭陳展鵬一家嘅裝扮就唯美感為主，不過展鵬嘅帖文就令大家聯想到宣布喜訊，化身為吸血殭屍嘅佢攬實太太單文柔（Phoebe），再寫上「終於搵到個女主角，可以吸血啦.. ha ha ha。細個嘅時候好多人話嘴（咀）嘴會生BB，有冇人聽過吸完血都會生BB。」此話一出引嚟唔少人留言問係咪暗示太太有咗BB，不過未得到回覆。

陳展鵬化身為吸血殭屍嘅佢攬實太太單文柔。
Phoebe就喺社交平台分享靚相同時，再解釋呢輯想係為囡囡而設。

而Phoebe就喺社交平台分享靚相同時，再解釋呢輯想係為囡囡而設，因為學校有萬聖節派對，囡囡就同佢講今年萬聖節要扮壞人，Phoebe寫上「佢話我哋全部都要扮壞人，因為我哋做咗壞人生左佢先系（係）‘壞人’！」佢仲話買咗啲衫返屋企之後，仲同小豬比玩咗一個下午捉’壞人’ 遊戲。帖文尾聲，Phoebe就感觸分享感受話每輯家庭相都記載咗Quinta唔同嘅階段，好好珍惜佢邀請我哋參與嘅階段，相信再過多一年半載，每逢節日，佢應該都約咗朋友出去。

展鵬寫上「有冇人聽過吸完血都會生BB」，唔少人留言問係咪暗示太太有咗BB。女兒話今年萬聖節要扮壞人，所以佢哋扮劇集《愛登士家庭》嘅腹黑妹妹Wednesday。