林鉫徫生日願望出歌成功 涂家堯獲伍仲衡免費寫歌

林鉫徫（Jay）近期不時去大灣區工作，日前趁住生日就喺香港舉行生日音樂會，同粉絲一齊迎接生日，難得同粉絲聚會，Jay盡量滿足大家要求即時點唱，佢為咗今次聚會就一早四出物色場地，仲好揼本咁搵嚟四位樂手伴奏，希望令大家有個開心難忘嘅晚上。

林鉫徫近期不時去大灣區工作，日前趁住生日就喺香港舉行生日音樂會。
Jay嘅生日願望就係新歌推出成功，之前因遇到啲問題一再延遲。而家不時喺大灣區工作，佢話會安排時間返港出歌。Jay仲邀請咗丁文俊、魏嘉信同涂家堯一齊嚟派對玩，佢哋除咗上台獻唱，又祝鍾意食嘢嘅Jay繼續食盡美食兼且唔會肥。

難得同粉絲聚會，Jay盡量滿足大家要求即時點唱。
涂家堯早前獲邀主唱少年團體嘅主題曲，佢話係伍仲衡夫婦引薦，仲話伍Sir免費為佢寫咗首歌，笑言唔知係咪想答謝佢當日贊助伍Sir婚禮。

Jay仲邀請咗丁文俊、魏嘉信同涂家堯一齊嚟派對玩。