電影泉攻略丨謝君豪拍《焚城》受艱辛訓練 讚消防精神可貴又偉大丨EP127

王鎮泉Jeoffrey每星期為觀眾提供最熱辣電影資訊，中外猛片專訪花絮上映時間全部集齊，「電影泉攻略」個個星期陪你睇新戲。

謝君豪及魏浚笙有份演出嘅香港為背景嘅災難片《焚城》於11月上映。
謝君豪及魏浚笙有份演出嘅香港為背景嘅災難片《焚城》於11月上映，今次二人飾演前線嘅消防員，經過艱辛漫長嘅體能訓練，要對消防人員工作及操作流程有基本認知，謝君豪讚消防員好值得尊敬，入火場救人係好危險隨時犧牲，消防嘅精神好可貴好偉大！

謝君豪讚消防員好值得尊敬，入火場救人係好危險隨時犧牲。
本周新片速遞有《焚城》因一場意外引發輻射洩漏，全港命運危在旦夕，為應付呢場災難，專家范偉立加入由署理行政長官Cecilia主持嘅緊急危機應變小組，700萬人家園隨時毀於一旦，消防隊臨危受命深入輻射區，拼死阻止輻射擴散全港。面對前所未見嘅末日浩劫，香港會否一夜滅城？

《焚城》因一場意外引發輻射洩漏，全港命運危在旦夕。
《邪Mall》講一個人煙絕跡嘅商場結界意外喺六十年一遇嘅最陰日「三破日」被打開，釋放出古怪嘅橙煙變成「殭屍」喺商場展開大屍殺！僅存嘅幾位街坊拼命抵擋殭屍襲擊，不論武力或符咒都無法將其消滅，究竟佢哋可以點樣自救！

《阿諾拉》勇奪本屆康城影展最高榮譽金棕櫚大獎，講脫衣舞孃Anora係典型月光族。
《阿諾拉》勇奪本屆康城影展最高榮譽金棕櫚大獎，講脫衣舞孃Anora係典型月光族，有一晚遇上來自俄羅斯名門望族嘅年輕富帥Ivan，一拍即合，由派對到床上，由酒精到毒品，二人迅即閃婚，Ivan父母得悉馬上飛到紐約拆散小情侶，Anora冀盼已久的灰姑娘童話一夜幻滅，佢決定點樣部署自己嘅未來？係咪有錢先有真愛？

呢個星期嘅票房戰況直至10月30號中午，第三位《危機航線》、第二位《完美物質》、第一位《毒魔：終極一舞》。