當四葉草碰上劍尖時丨黎諾懿宴請《四葉草》老友 21周年重聚友情不變

21年時間可以改變好多人和事，但就改變唔到一班合作演出《當四葉草碰上劍尖時》嘅演員。眨吓眼呢套經典青春劇經已係2003年嘅作品，相隔咗21年，劇中嘅演員都喺唔同範疇獨當一面，但係時間冇改變佢哋之間嘅友誼同樣貌。

《當四葉草碰上劍尖時》是TVB於2003年播出的青春偶像劇，當年劇集起用年輕的新人演員擔任主演。

戴夢夢喺社交平台分享咗萬聖節當日食咗餐好開心嘅午餐。
戴夢夢喺社交平台分享咗萬聖節當日食咗餐好開心嘅午餐，原來佢同黎諾懿、李逸朗、姚瑩瑩同高皓正，趁Race（黃婉佩）返嚟香港，就約埋Race同Rosanne（黃婉君）聚會，「四葉草21週年聚會，真是非常之開心，眨眨眼睛我們都變中年，但是我們還是和以往一樣雞啄唔斷，好像還有很多很多事要同彼此分享，我們要好好珍惜這段友誼，多見面，永存在心中」。

佢哋約埋Race同Rosanne聚會！
夢夢話多謝諾懿請食飯，仲話兩粒鐘聚會真係唔夠喉，今次尚欠唐詩詠（Natalie）、姚子羚（Elaine）、傅嘉莉（Kelly）、陳宇琛（Sam）、李雨陽、錢嘉樂同梁漢文（Edmond），夢夢期待下次真係要好好聚一晚。

夢夢話多謝諾懿請食飯，仲話兩粒鐘聚會真係唔夠喉。夢夢期待下次更多人一齊好好聚一晚。