StarTalk丨黃子華拍《破·地獄》笑談將來喪禮想法 買黃金抽獎盼皆大歡喜

黃子華 同 許冠文（Michael）領銜主演《破·地獄》以香港殯儀業為題材，子華同監製兼導演 陳茂賢 呢日現身 TVB娛樂新聞台 節目《StarTalk》，與 王鎮泉 Jeoffrey  大談生死議題，子華更笑談對日後喪禮嘅想法……
導演 陳茂賢 同 黃子華 接受《StarTalk》訪問。
子華透露一收到劇本即刻點頭參演，為咗禮儀師呢個角色努力忍住淚水，笑指唔想為奪影帝濫用喊戲；子華喺32年前為Michael編劇而結緣，二人私下惺惺相惜，經歷咗一年半嘅生活，子華指Michael屋企啲廁所差唔到去過。
子華表示為咗禮儀師呢個角色努力忍住淚水。
導演陳茂賢首次同兩大高手合作感覺好夢幻，Michael就好似一個祖師爺下凡，子華笑言Michael一向好怕自己離地，為咗令Michael貼地，叫導演下次直呼許冠文呀！
子華同許冠文惺惺相惜。