黃夏蕙萬聖節出動騷蛇腰 指梅啟明家暴係家常便飯

一年一度嘅萬聖節，又係黃夏蕙出動扮嘢嘅時候，今年夏蕙BB就化身青竹蛇，而一班老友就預先為佢慶祝生日。夏蕙BB對一身裝扮非常有自信，仲話自己有條蛇腰。11月11號係黃夏蕙生日，佢嘅生日願望一如以往，係希望世界和平同人人健康有飯食。

眾老友於萬聖節為黃夏蕙提早慶祝生日。

黃夏蕙化身青蛇BB。

對於梅媽母子被入稟破產，夏蕙BB身為梅媽覃美金嘅朋友，就話自從疫情後幾年冇見對方，自己都會擔心梅媽，但夏蕙BB表示愛莫能助。近日有傳梅啟明家暴虐兒，夏蕙兒就指以前有聽聞事件，仲話係家常便飯。
夏蕙BB指有聽聞過梅啟明家暴一事。