蔣家旻做幸福人妻感動冇揀錯人 自爆入院做手術獲老公細心照顧

蔣家旻今年9月與男友周永基喺日本舉行婚禮，正式成為人妻，蔣家旻噚日打扮得花枝招展，出席TVB同行創新節目巡禮2025，宣傳有份演出嘅新劇《巨塔之后》，蔣家旻正處於新婚甜蜜期，見佢神采飛揚跟同事開心合照之餘，仲獲同事大讚最美人妻。

蔣家旻噚日打扮得花枝招展，出席TVB同行創新節目巡禮2025。

蔣家旻正處於新婚甜蜜期，見佢神采飛揚跟同事開心合照。
蔣家旻最近接受傳媒訪問透露今年初因盲腸炎而要入院做手術，而老公卻送上無微不至嘅照顧，讓蔣家旻大為感動，患難見真情！當時拍緊《法證先鋒6》同《反黑英雄》嘅蔣家旻，由於首次入院，一直覺得好擔憂，而當時仍係男友嘅周永基，卻細心照顧蔣家旻，為佢處理所有嘢，願意喺醫院加床瞓，4日3夜堅持陪伴在側，蔣家旻見對方為自己頻撲，又拎電腦去醫院做嘢，覺得自己冇揀錯人。

蔣家旻最近接受傳媒訪問透露今年初因盲腸炎而要入院做手術，而老公卻送上無微不至嘅照顧，讓蔣家旻大為感動。蔣家旻見對方為自己頻撲，又拎電腦去醫院做嘢，覺得自己冇揀錯人。
蔣家旻話同老公識咗超過10年，因工作要分隔兩地，當時未有開展戀情，後嚟二人拍拖半年，男友就求婚，蔣家旻有感喺對嘅時間遇上對嘅人，亦大讚老公有責任感，能夠給予佢安全感，令佢喺生活上唔需要擔心，而佢哋目前先享受二人世界，計劃兩年後生B！
蔣家旻話同老公識咗超過10年，因工作要分隔兩地，當時未有開展戀情，後嚟二人拍拖半年，男友就求婚。