韓國男神宋承憲再演19禁新戲 再情傷「老婆」趙如晶大感抱歉

韓國男神 宋承憲 終於有新作回歸大銀幕，呢次宋承憲、趙如晶、金大佑導演相隔十年再次聯手外，亦係佢再挑戰演出19禁暗黑題材電影。宋承憲透露之前接到金導久違嘅飯局邀約，聽到電影故仔後，佢話如果係其他導演嘅邀請嘅話佢未必一口應承，但聽到由金導操刀，佢一定唔會托手踭。

宋承憲再參與19禁新片演出
十年前嘅話題作《人間中毒》，宋承憲同女配角林智妍上演雙向出軌橋段，兩人有多場大尺度情慾戲，被封韓版《色，戒》，而當年趙如晶飾演戲中嘅正牌老婆飽受情傷。呢次趙如晶再演宋承憲嘅另一半，但錯綜複雜嘅懸疑劇情，令到趙如晶再次係受傷嘅一位，記招上宋承憲忽然大講「對唔住」，每次都要令趙如晶「受傷」令佢感到既無奈又抱歉。

今次宋承憲仲會同林智妍有出軌情節，再扮佢老婆嘅趙如晶又要慘淡收場