「音樂女神」海兒返母校表演籌款 答謝老師助成就歌唱家夢想

被譽為「音樂女神」嘅海兒加盟《中年好聲音3》評審後人氣急升，海兒畢業於英國倫敦皇家音樂學院碩士，觀眾們對佢專業嘅聲樂點評相當期待，日前海兒獲邀母校香港演藝學院出席為聲樂系碩士生獎學金籌款嘅活動。

被譽為「音樂女神」嘅海兒加盟《中年好聲音3》評審後人氣急升。
原來海兒去英國讀碩士之前喺演藝學院畢業，呢次係受到恩師嘅邀請出席活動，以前嘅老師依家已經升呢做咗Vocal School嘅Head of department。

海兒獲邀母校香港演藝學院出席為聲樂系碩士生獎學金籌款嘅活動。
活動上，海兒演唱《Quando m'en Vo’》一曲為師弟師妹籌款，而呢首歌對海兒來講亦意義重大: 「呢首係我入演藝學院，喺呢個舞台第一首opera(歌劇)表演嘅獨唱歌。畢咗業咁多年，返去母校重回同一個舞台唱畀老師聽，好想老師會為我感到自豪。以前企喺同一個舞台唱歌嘅自己，唔係好幻想到咁多年後嘅自己會係點，到而家成為一個Performer(專業表演者)，我可以真正享受到呢個舞台。」

海兒演唱《Quando m
當晚有一位海兒嘅小粉絲專誠捧場，呢位小粉絲從中一二開始支持佢，仲因為佢決定去讀唱歌，令海兒更加感動。