蔡卓妍高貴打扮現身銀袋日 首談硬闖店鋪拍攝風波

蔡卓妍（阿Sa）、商人郭少明以及郭羅桂珍夫婦、陳百祥、黃杏秀、陳曉華、郭珮文、鄧凱文、關智斌、應屆港姐倪樂琳、梁嘉瑩、楊梓瑤、海兒及娛樂公司老闆楊受成等一眾名人明星現身馬場出席婦女銀袋日活動。

蔡卓妍現身馬場出席婦女銀袋日活動。
作為形象大使嘅阿Sa以一身粉紅打扮亮相，非常高貴。阿Sa同張繼聰主演嘅電影早前被指硬闖徐天佑太太嘅店鋪拍攝，作為女主角嘅阿Sa首度開腔還原當日情況，阿Sa指拍攝時不知有不快事發生過，當日仲好開心趁等待空檔時入店內光顧，買咗兩隻印有容祖兒歌詞嘅碟，而且不覺店員態度有異。當日佢同阿聰嘅戲份只係從店裡推門而出，然後講一句對白：「其實香港小店好艱難，要支持呀！」阿Sa當日下晝仲撞到徐天佑，知道舖頭係天佑嘅太太開，亦驚覺天佑已婚。

11月22號係阿Sa嘅生日，生日正值TWINS美加巡迴當中，預計會同粉絲一齊度過，被問收到老闆生日禮物未，阿Sa指每年老闆都會準時為每位同事送上鮮花慶生，相當有心。 
許倚榕
李麗珍女兒許倚榕早前被爆同張明偉秘戀多時，二人隨即大方認愛。許倚榕講起戀情時都甜滋滋，佢坦言男友因為係經媽咪認識，所以早就見過家長，而且媽咪對佢交男友亦冇咩意見，平時同男友亦會拍片玩配音。
三位港姐以淑女優雅打扮到場。
三位港姐以淑女優雅打扮到場，特別係嘗試頭戴英式禮帽，三位港姐亦多謝理工大學嘅學生按佢哋氣質度身訂造設計禮帽。