G-DRAGON包到冚首爾出發來港 不忘戴Cap帽宣傳新歌

近排一班V.I.P們心情相當雀躍，皆因韓流巨星G-DRAGON相隔7年終於回歸樂壇，推出新歌《POWER》﹐長版MV喺視頻平台上架三日已累計超過1500萬點擊，而G-DRAGON開始多咗曝光，除咗亮相各大韓綜之外，今日亦出發來港，受邀出席明晚(5號)舉行嘅品牌大型時裝騷。

韓流巨星G-DRAGON相隔7年終於回歸樂壇，推出新歌《POWER》。
今日中午12點度G-DRAGON坐量產嘅科幻感電動戰車現身韓國仁川機場，G-DRAGON以牛仔褲配大紅冷衫打扮上陣﹐戴住墨鏡同頭巾現身包到冚，盡顯佢嘅時尚感，佢除左做足代言人本份，好有責任感孭住品牌嘅手袋之外，亦頭戴寫住新歌名POWER嘅Cap帽，似係同時為自己嘅新歌宣傳。

G-DRAGON今日出發來港，受邀出席明晚舉行嘅品牌大型時裝騷。
G-DRAGON見到大批粉絲送機，起初有啲怕醜，見到大神久違出歌在場嘅記者亦恭喜GD出歌，佢有點頭致謝，而中途GD亦有親身接過粉絲信，心情大好。

G-DRAGON頭戴寫住新歌名POWER嘅Cap帽，似係同時為自己嘅新歌宣傳。
呢排V.I.P們狂Loop GD新歌MV時亦發現偶像無論係衣著上定畫面上，均加入女好多小細節，其中一個地鐵站路線圖上疑似透露新專輯嘅八首歌嘅歌名，分別係《HOME SWEET HOME》、《I BELONG TO YOU》、《TAKE ME》、《POWER》、《TOO BAD》、《보나마나》、《DRAMA》同《GYRO DROP》。

GD新歌MV其中一個地鐵站路線圖上疑似透露新專輯嘅八首歌嘅歌名。