李婉華回港與余慕蓮相聚 憶當年合作《卡拉屋企》趣事

李婉華雖然移民咗去加拿大定居，但不時都會回港與好友聚會，早前佢就再次返到香港，除咗周圍食好西外，仲分別同陳志雲、余慕蓮等好友聚舊。
李婉華早前回港同余慕蓮飯聚。
李婉華於4號post出與余毛飯聚嘅照片，相中所見余毛精神甚佳，李婉華喺帖文中寫道：「今次回港最大收穫是與舊拍檔余毛相聚！見到他打扮得很靚，精神奕奕，氣息很好，在金碧酒家內，每位街坊都和他打招呼，非常高興。」佢哋呢晚食咗唔少酒家嘅招牌菜，李婉華笑言簡直係食到「兒時嘅味道」，而老闆貞姐亦相當客氣，送咗佢哋酒家60週年嘅紀念品畀李婉華同余毛。

余毛精神好好。

酒家老闆貞姐送咗佢哋60週年嘅紀念品畀余毛同李婉華。
李婉華同余毛係喺劇集《卡拉屋企》中合作。

當年李婉華同余毛係喺劇集《卡拉屋企》中合作，劇中余毛飾演「例湯」一角，同黃一飛飾演鬥氣情侶，李婉華指佢哋當時成班演員嘅感情都非常好，令人相當難忘。
李婉華呢次返香港仲有同陳志雲聚舊。佢仲有去電影《九龍城寨之圍城》嘅展覽打卡。