陳彥行為亡父辦安息禮難掩傷痛 罕貼三代同堂照悼念送陳爸爸最後一程

陳彥行（行姐）最近行蹤非常低調，自今年7月被爆喺3年前秘密產女，其後佢承認已做人母，行姐喺9月宣布父親陳慶耀離世噩耗，更罕有公開其父與女兒嘅合照悼念亡父，噚日行姐為亡父設安息禮，送陳爸爸最後一程，希望天家再見！

噚日行姐為亡父設安息禮，送陳爸爸最後一程，希望天家再見！
行姐噚日喺社交平台上載幾張於律敦治醫院慰寧閣舉行安息禮嘅相，揀選一幅陳爸爸流露慈祥微笑嘅照片，遺照旁邊放鮮花、十字架及天使等擺設，行姐特意買奶茶及腸粉等送別亡父，場內佈置簡單又溫暖，行姐感謝親友百忙中抽空前來送別行爸。

行姐噚日喺社交平台上載幾張於律敦治醫院慰寧閣舉行安息禮嘅相。
行姐稱整個安息禮圓滿完成，唯一美中不足就係忘記準備鮮花畀各人送給行爸，「雖然這樣，我相信行爸也會感受到大家前來送別他的那份心意吧」。相中見行姐雙眼浮腫，抱住愛犬前嚟送別陳爸爸，難掩傷痛。

行姐喺9月宣布父親陳慶耀離世噩耗，更罕有公開其父與女兒嘅合照悼念亡父。

行姐今年被爆早喺3年前秘密產女，一直未有透露女兒生父嘅身份，行姐噚日喺社交平台貼出一張合照時，見只有一位男士用公仔圖案遮面，未知呢位男士係咪行姐另一半？而行姐早前亦指陳爸爸一生總算圓滿，能於有生之年睇到小孫女，最後時光仍有家人陪伴並不孤單，字裡行間，可見行姐確係相當有孝心。行姐感謝親友百忙中抽空前來送別行爸。