陳貝兒攜母遊敦煌大漠 珍惜母女同遊相處時光

陳貝兒由旅遊節目《嫁到這世界邊端》到近期熱播嘅《無窮之路》系列，為觀眾走遍世界各國，紀錄唔同風土人情以及歷史面貌。貝兒最近帶團兼同媽媽一齊遊敦煌大漠，令佢特別難忘。

兩母女首次踏足塞外沙漠，騎駱駝出行。
貝兒過去幾年一直不停飛，呢次半玩半拍攝，貝兒最感動就係有一對七十幾歲嘅老夫妻，見佢哋全程手拖手行，即使結婚40幾年仍然甜蜜，令貝兒好希望自己老咗可以搵到一個心靈伴侶繼續去玩。 貝兒喺九日旅程中有唔少難忘體驗，包括喺大漠夜觀星空、欣賞傳統嘅打鐵花表演、第一次經過河西走廊嘅佢更喺莫高窟重遇一位認識多年嘅高僧師傅，對方仲帶貝兒同陳媽媽參觀絕少對外開放、有一尊嘅巨型卧佛嘅158號洞窟，令貝兒感覺一切似有奇妙緣分牽引。 

「非一般旅遊達人」陳貝兒大受團友歡迎。

貝兒今次同媽咪一齊玩，佢笑指自己離港嗰陣，事無大小都要靠媽咪照顧，呢次終於有機會由自己照顧媽咪，開心有「We Time」之餘亦要趁呢個好機會報答媽咪。 

在莫高窟神奇巧遇高僧朋友- 佛光山住持 心保和尚，陳貝兒獲邀參觀神秘的158號臥佛洞窟。

貝兒同陳媽媽首次踏足沙漠、喺星空下傾偈，兩母女見到絕美嘅景色都有影咗唔少相好好打卡，紀錄難忘一刻：「媽咪非常開心，我地影咗好多相，令我深深感受到無論做咩事都好，對身邊人嘅愛，對媽咪、爹地，對屋企人嘅愛，都要愛得及時，因為時間有限，人生無常，要及時行樂，把握每一個時光，把握每一個相遇。」

陳貝兒和陳媽媽在酒泉公園一片金黃色樹林留影，景緻優美。