衛詩雅工作忙難兼顧籌辦婚禮 做「佛系新娘」叫經理人幫手揀婚紗

由黃子華、許冠文主演嘅電影《破・地獄》雖然未正式上映，但優先場口碑極好，場場爆滿。衛詩雅（Michelle）、周家怡、梁雍婷日前現身以電影為主題嘅攝影比賽時，亦分享近日謝票時嘅心得。

衛詩雅、周家怡及梁雍婷日前現身以電影為主題嘅攝影比賽時，亦分享近日謝票時嘅心得。
Michelle就話有一對夫妻喺映後向佢致謝，老公感謝呢部電影為老婆「破地獄」，令老婆飲泣釋懷；梁雍婷就好難忘同一位老婆婆合照後，見到婆婆喺角落落淚，呢種感覺令佢覺得電影好似喚醒婆婆一啲記憶，放一下創傷。 

Michelle笑言日本觀眾見到許冠文時非常興奮，完全係用超乎想像嘅迎接巨星態度去追星。

電影有份參與「第37屆東京國際電影節」，初時Michelle都有少少擔心日本觀眾會唔會睇唔明，但同觀眾見面、知道電影大受好評後都放下心頭大石，明白「用死亡帶出生命」係一個世界共通語言。Michelle笑言日本觀眾見到許冠文時非常興奮，完全係用超乎想像嘅迎接巨星態度去追星。

Michelle最近又要忙電影宣傳，又要忙於籌備婚禮。 

Michelle最近又要忙電影宣傳，又要忙於籌備婚禮，一講到籌備進度都令佢都忍唔住嗌大鑊，因為工作太忙，令佢完全難以兼顧人生大事，一度遺忘要結婚呢件事。好在Michelle自認「佛系」，對一切冇咩特別要求，所以交畀家人、經理人幫手，甚至連揀婚紗都叫經理人幫手試，Michelle仲戴定頭盔，萬一當日有任何甩漏，希望大家多多包涵。