朱敏瀚孖振朗拍新節目乘機碌人情卡請嘉賓 孔德賢煮食節目苦練廚藝刀法

林鈺洧（Denice）、朱敏瀚、林正峰、孔德賢（Danny）日前著上以環保物料製作嘅服飾出席一個快閃店開幕，Denice早前參與節目《剪裁魔法師》拍攝，而其中一個主題就係同環保有關。再度著上環保物料製作嘅服裝，Denice都話其實著喺身上都一般物料製作嘅衣物一樣，冇咩太大差異感，而且用環保物料製衣亦唔係用垃圾，只係用一啲布料邊角料，所以唔會著上身唔舒服。

朱敏瀚、林正峰、孔德賢日前著上以環保物料製作嘅服飾出席一個快閃店開幕。
Denice雖然係模特兒出身，不過佢笑稱自己喺生活中連襯衫都懶，一般都係以T裇、長褲出街休閒打扮，所以好開心呢次透過活動可以見識到更多時裝設計。 11月19號就係TVB台慶大日子，朱仔、阿峰、Danny近日忙於為搵靚衫出席盛會。

Denice話其實著喺身上都一般物料製作嘅衣物一樣，冇咩太大差異感。

朱仔嚟緊就會同老友張振朗拍攝新節目《酒鬼地圖》，朱仔透露節目會介紹隱世酒吧，呢日佢趁機碌定人情卡邀請阿峰、Danny到時作客做嘉賓。而Danny就話11月中要拍攝一個煮食節目，所以呢排都要好好訓練自己廚藝同刀功，希望就算煮得麻麻，好刀法令自己「唔打得都睇得。」

朱仔嚟緊就會同老友張振朗拍攝新節目《酒鬼地圖》，趁機碌定人情卡邀請阿峰、Danny到時作客做嘉賓。