宋宛穎唔怕肥狂啜意粉加Pizza 正攻讀醫學院碩士罕曬火辣性感

2021年港姐冠軍 宋宛穎 出身自選美家族；媽媽同阿姨都係選美冠軍級人馬，近日Sabrina喺社交平台公開平時甚少見到嘅一面，身材一向勻稱嘅佢，竟大大啖意粉狂啜，似乎毫不介意女星大忌嘅澱粉質。鏡頭一轉，食得興起Sabrina仲除低恤衫，罕有以一件黑色喱士上衣少露本錢，辣到不得了，一樣靚女嘅孖生妹妹Sonia仲大讚家姐「Hottest and cutest」，而Sabrina就以「just like u」回應。

唔少藝人管理身材都會避開澱粉質，不過Sabrina就冇有怕

呢日佢仲罕有性感打扮出現，非常火辣
Sabrina早喺參選時已被指極具冠軍相，仲因出身背景同88年當選嘅 李嘉欣 相似，曾被稱為「嫩版李嘉欣」，當時亦係奪標熱門，最後亦成功一舉獲得冠軍。
2021年當選港姐冠軍嘅Sabrina，出身自選美世家

唔止Sabrina靚女，孖生細妹一樣美貌出眾

Sabrina當選後發揮佢嘅優秀才能，曾先後為唔同大騷擔任主持，早前又參與《香港重案》扮演法醫，一嘗劇集演出滋味。早喺參選前由多倫多大學生物化學及人類生物學雙主修畢業嘅佢，更重投校園，去年起修讀港大醫學院嘅碩士課程，果然係美貌與智慧並重。

本身已經有雙學位嘅佢，上個學年起仲成為港大醫學院嘅碩士生