胡杏兒為時裝騷任模特兒 惠英紅劇集電影綜藝三路開花

胡杏兒、惠英紅、宋佳及鄭合惠子等藝人呢日現身上海一個時尚活動，呢次杏兒仲兼負為品牌行catwalk嘅責任，令佢心情相當緊張。

胡杏兒呢日以嘉賓模特兒身份參與活動
以偏中性造型到場嘅杏兒，提到即將開拍嘅劇集，佢透露自己喺劇中飾演一名熱血女警，杏兒指咁正經嘅女警自己從未演過，對佢嚟講係一個新嘗試，而自己亦好鍾意呢個角色，所以希望觀眾都會鍾意。
紅姐就提到即將再拍新劇，今次更會係新嘗試

近年內地興起「新中式文化」，而紅姐嘅衣着不時都會有新中式元素，呢日佢就同大家分享要點配搭外，已經有3年多冇拍過電視劇嘅佢，仲同大家透露下月就會入劇組拍電視劇，另外同時仲會有綜藝同電影要開工，難怪紅姐都笑自己有拼命三郎嘅感覺呀！