伍富橋新歌留鬚再加床戲 大突破被老婆加倍留意

伍富橋 呢日成面鬚根出現，不過就並非遇到咩困難，而係為新歌《一劇之本》拍攝MV，平時都係青靚白淨嘅佢，仲自爆毛髮旺盛，仲想挑戰以更Man嘅留鬚形象俾大家多啲新鮮感喎。

伍富橋新歌MV推出，佢仲特別一面鬚根拍MV
今次MV仲會有床戲，雖然只係非常簡單嘅「床單浪漫」情節，今次更係入行以來首次拍「床上戲」，難怪老婆都搞笑話特別留意喇。今次歌曲由 小克 填詞，更曾經要修改幾次先成為最後作品，最後仲加上作曲時嘅故事，最終就得到極之滿意嘅成品喇。

MV中又會同女主角有「床戲」