歐倩怡與郭晉安離婚後惹負面新聞 感委屈兩度落淚

歐倩怡（Cindy）今年5月宣布與結婚多年嘅郭晉安離婚。離婚後曾「呻窮等錢使」，離開娛樂圈差唔多20年，從回職場工作，卻因離婚惹負評，歐倩怡日前接受電台訪問真情流露，提到近日不斷遭受網民抨擊，佢兩度哽咽落淚。

歐倩怡日前接受電台訪問真情流露，提到近日不斷遭受網民抨擊，佢兩度哽咽落淚。
歐倩怡與前夫郭晉安離婚後惹嚟不少負面新聞，坦言當時突然遭好多人鬧：「其實我覺得好神奇，我喺網上post咗我嘅婚姻狀況唔同咗，我咩都冇講，冇做任何訪問，啲人已經開始鬧，所以嗰時都唔開心，我有心碎嘅感覺，好似我做錯咗咩，講錯咗咩。」

歐倩怡與前夫郭晉安離婚後惹嚟不少負面新聞。
歐倩怡直言最唔開心係不被諒解，仲感覺被冤枉，「有啲人會扮認識我，話我呢樣嗰樣，但明明我唔識佢，點解要扮識我」，身為虔誠基督徒嘅歐倩怡亦有搵教會姊妹傾訴，「我有好多教會嘅弟兄姊妹、牧者，佢哋全部會WhatsApp我，睇吓我點樣，我講到想喊」，隨即哽咽，主持啤梨邊遞上紙巾邊表示暫停一會再做訪問，啤梨表示了解歐倩怡內心感受，亦有感佢備受外界輿論困擾，歐倩怡指現今世界好難唔上互聯網，所以一定睇到網民留言，「惟有努力做好自己本份，我覺得時間可以沖淡一切」，歐倩怡講完再次哽咽，啤梨即予以安慰。

歐倩怡直言最唔開心係不被諒解，仲感覺被冤枉。

啤梨表示了解歐倩怡內心感受，亦有感佢備受外界輿論困擾。