王嘉爾自爆曾患抑鬱後復工 公開召喚電影人搵佢寫歌

王嘉爾Jackson 早前自爆曾因患上抑鬱而停工一年，不過呢輪佢已經復工仲火力全開四圍飛去工作，相信佢嘅fans都應該可以放心唔少。
王嘉爾話自己今年犯太歲。
呢日Jackson就以品牌全球大使身份，現身上海出席品牌活動，講起手上戴住嘅手飾，Jackson就話因為自己今年犯太歲，而媽媽同佢講戴老虎嘅飾物會好啲，所以佢就戴咗品牌嘅老虎手飾，Jackson仲話自己都好想擁有呢個飾物，但可惜活動過後要還畀大會。
Jackson話好想要呢條手鍊。
一直都有自己創作歌曲嘅Jackson，被問到會唔會為電影創作歌曲？Jackson就話自己冇資格，不過佢都公開召喚想搵佢做電影歌曲嘅朋友，可以直接搵佢呀。
張震
同場出席嘅仲有張震興宋佳，今個月23號就係台灣金馬獎，不過有份角逐今屆金馬最佳男主角嘅張震，就忙於綵排話劇，連自己入圍嘅電影都未有時間睇。嚟緊將會同鍾楚曦合作新片嘅宋佳，坦言對呢次嘅作品相當期待。
宋佳