Windy校內歌唱比賽擊敗強敵奪冠 網上人氣歌手投票再獲一獎

詹天文 最近為加學校嘅英語文化節同歌曲比賽，呢個比賽由全校一到四年班嘅同學都會參與，而早喺初賽時，參賽經驗豐富嘅Windy就一舉擊敗曾喺比賽獲得三連冠嘅師姐，當時仲以全場最高嘅93分成績位列第一晉身決賽。

Windy近日參加學校嘅歌唱比賽，擊敗14位對手勇奪冠軍
到7號決賽當晚，Windy選唱Andra Day嘅《Rise Up》，雖然歌曲難度極高，不過Windy再次以非常穩定同出色嘅表現演出，唱畢更引來全場同學歡呼。 經過一輪激戰後，Windy最終脫穎而出，喺決賽擊敗14位同學同師兄、師姐， 得到同初賽一樣嘅93分勇奪冠軍！而Windy亦於網絡演唱人氣歌手投票，以17066票獲得第一名！令佢首次參加學校歌唱比賽就連奪兩個大獎。
同時亦成為網上投票中黾票后

Windy本人對於首次參加大學歌唱比賽就獲咁好成績感到不可思議， 更估唔到會贏出比賽同得到大量同學仲有Fans投票支持，覺得非常感恩。仲話未來日子會繼續努力， 回饋大家對自己嘅支持！ Windy自9月到廣州升讚大學後，就經常廣州香港兩邊走，兼顧學業同工作，好快Windy就會出席新城頒獎禮記者會同月底舉行嘅元朗第二屆街頭藝術節表演嘉賓。

雖然於廣州讀書，不過Windy仍把握時間返港出席唔同活動